Su cavalieri Don Austinu Fara est nàschidu in Bono su 17 de cabudanni de su 1796. Dae s'ala de sa mama fiat nepode de Giuanne Maria Angioj.
At comintzadu a sordadare in su 1814 intrende in su rezimentu de Sardigna. Lende parte a sas gherras de su 1848, prima in Peschiera e a poi gherrende in trìulas in Custoza e in Milano, aiat otènnidu sa Rughe de sos Santos Mauritziu e Lazaru e sa Medàllia de prata pro su valore militare pro sa gherra de Novara.
Custos meritos, umpare a un'ispada de onore, sunt collidos in sa crèsia de Bono ca bi los aiat donados. Si fiat ritiradu in su 1854 a pustis de barant'annos de gherras. Fiat istadu fintzas nominadu in su parlamentu Subalpinu. Est mortu in Casteddu su 25 de martu de su 1867.