Sunt medas sas festas chi si faghent intro de sa bidda e medas in su campu. Su Padronu est Santu Micheli Arcànghelu, ma cussa chi est prus nòghida est Santu Remundu, a pustis si festant Santu Giuanne, Santa Caderina, Sant'Antoni, Sant'Efisi, Nostra Sennora de Bonària, in campu bi sunt sas festas de Sant'Ainzu, Santa Restuda, Sant'Àrvara, Santu Nigola e Sant'Umbrosu. Si onorant fintzas àteros santos comente Santu Nartzisu e Sant'Andria, santos festados in tzertas istagiones de sa massaria. Sos bonesos sunt devotos meda a Santu Gaine, festadu in trìulas in Sèdilo e su 2 de austu andant a su "Cumbentu betzu de Santu Frantziscu" in Monte Rasu pro Santa Maria de sos Ànghelos, fintzas si si narat "a Santu Frantziscu".