Est su tzitadinu prus nòdidu de Bono, in ue est nàschidu in su 1751 dae famìllia      "nobile".
     Mancari sa nadia sua, at abbratzadu sos Motos Antifeudales de su 1793/96 e at      cumandadu sa tucada pro Tàtari de sos massarios. Sa Sardigna in su 1720 fiat      passada a sos "Savoia" in cambiu de sa "Sicilia". Su re Vitòriu Emanuele non cuntentu      de àere otènnidu s'isula, non si nde interessat si non pro s'intròitu de sas tassas. Sa      situatzione pariat cambiende cun su  ministru Boginu (1750-1773) e fintzas Bono aiat      megioradu sas cunditziones econòmicas suas, ma cun sa ruta de su ministru totu torrat comente prima.
     Sa populatzione Sarda si fiat arrempellada a sas prepotèntzias e a sas tassas chi isfamigaiant s'isula, sos feudatàrios faghiant finta de non s'abitzare de su discuntentu e su re sighit a pregontare leges a favore de issos.
Giuanne Maria Angioj est istadu numenadu Alternos e at rugadu sa Sardigna ponzendesi comente cumandante de su populu.
Est istadu retzidu in totue comente un eroe, ma s'arrempellu fiat faddidu. Est istadu custrintu a si ritirare e a leare sa via de su disterru, in unu primu momentu est andadu a Torino, cun s'isperàntzia de otènnere agiudos pro sa causa Sarda, delusu pro sa traitoria de sos piemontesos, tucat a Parigi, sempre cun su matessi intentu e in sa tzitade frantzesa morit in su 1808, sena torrare mai a Bono.