S'Isportellu linguìsticu faghet parte de unu dissignu de sa Presidèntzia de su Consìgiu de sos Ministros in cunfromma a sa lege 482/1999 "Tutela de sas minorias linguìsticas istòricas".

S'isportellu Linguìsticu devet amparare sa limba e sa cultura regionale cun s'impreu fitianu de su sardu. Traballat pro iscriere in sardu sos atos pùblicos de s'amministratzione e sas comunicatziones a sa populatzione e pro ammanitzare unu limbàgiu burocràticu in limba sarda.

Pro s'impreu iscritu de sa limba s'Isportellu Linguìsticu impreat a manera isperimentale sas normas linguìsticas de referčntzia de sa "Limba Sarda Comuna" chi at aprovadu sa Regione.

S'Isportellu est gestidu dae s'Operadora Maria Corrias, chi traballat in sos locales de sa Biblioteca, dae su Lunis a su Gioja mangianu dae sas 9:00 a Mesudie e Mesu, e sa Chenàbura mangianu dae sas 9:00 a sa 1 e Mesa.